Viwaha.com.engagement
විවාහ ගිවිස ගැනීමට අවශ්‍ය දේවල්
විවාහය කියන්නේ ජීවිතයේ ඉතාම වැදගත් තීරණයක්. සරලව කියනවා නම් විවාහය කියන්නේ ඔයාගේ දෙවනි උපත
විවාහය තීරණයට පෙර සිදුකරන “විවාහ ගිවිස ගැනීම” හෙවත් Engagement එක, දෙපාර්ශවයේම ආදරය, විශ්වාසය සහ අනාගත සැලසුම් නිල වශයෙන් ආරම්භ කරන සුන්දර අවස්ථාවක් ලෙස සලකන්න පුළුවන්.
අද කාලයේ බොහෝ යුවළවල් විවාහයට පෙර ගිවිස ගැනීමේ උත්සවයක් සංවිධානය කරන්නේ පවුල් දෙක එකට එකතු කරමින් සතුට බෙදාගැනීමටයි.
එහෙනම් Engagement එක සාර්ථකව සිදුකර ගැනීමට අවශ්‍ය දේවල් මොනවාද කියලා අපි දැන් බලමු.
1. දෙපාර්ශවයේ එකඟතාවය සහ පවුල් හඳුනාගැනීම
ගිවිස ගැනීමකට පෙර වඩාත්ම වැදගත් දෙය වන්නේ දෙදෙනාගේම කැමැත්ත සහ පවුල්වල එකඟතාවයයි.
විවාහ ජීවිතය දිගු ගමනක් වන නිසා, දෙදෙනාගේ අදහස්, අරමුණු, වෘත්තිය සහ ජීවිත රටාව ගැන හොඳ අවබෝධයක් තිබීම ඉතාම වැදගත්.
ඒ වගේම දෙපාර්ශවයේ දෙමාපියන් සහ නෑදෑයන් හඳුනා ගැනීමත් මෙම අවස්ථාවේදී සිදුවෙනවා.
පවුල් අතර හොඳ සම්බන්ධතාවයක් ගොඩනඟා ගැනීම අනාගත ජීවිතයටත් හොඳ පදනමක් වෙන නිසා එකිනෙකා හඳුනා ගැනීම ඉතා වැදගත්.
2. නැකත් සහ දිනය තෝරාගැනීම
ශ්‍රී ලංකාවේ බොහෝ පවුල් ගිවිස ගැනීමේ දිනය තෝරාගන්නේ නැකත් බලලා.
විශේෂයෙන් බෞද්ධ සහ හින්දු පවුල්වල මෙම සම්ප්‍රදාය දැඩිව පවතිනවා.
නැකත්කරුවෙකුගේ උපදෙස් අනුව සුබ දිනයක් සහ වේලාවක් තෝරා ගැනීමෙන් මෙම අවස්ථාවට විශේෂත්වයක් එක් වේ.
සමහර අය තමන්ගේ පහසුව සහ අමුත්තන්ගේ සහභාගීත්වය සලකා සති අන්ත දිනයක් තෝරා ගන්නවා.
3. උත්සවය පැවැත්වෙන ස්ථානය
Engagement එක නිවසේද, හෝටලයකද, උත්සව ශාලාවකද පැවැත්වෙනවාද යන්න මුලින්ම තීරණය කරන්න ඕන.
අමුත්තන්ගේ ප්‍රමාණය, බජට් එක සහ අවශ්‍ය සැරසිලි අනුව ස්ථානය තෝරාගන්න.
අද කාලයේ බොහෝ යුවළවල් Garden venues, rooftop venues සහ luxury hotels වැනි ස්ථාන තෝරාගන්නා අතර, සමහර අය පවුලේ සමීපයන් සමඟ සරල උත්සවයක් නිවසේම පවත්වනවා.
4. ගිවිස ගැනීමේ මුද්ද
විවාහ ගිවිස ගැනීමේ ප්‍රධානම සංකේතය තමයි Engagement ring එක.
සාමාන්‍යයෙන් පිරිමි පාර්ශවයෙන් කාන්තාවට මුද්දක් ලබා දෙන අතර, අද කාලයේ දෙදෙනාම මුදු හුවමාරු කරගැනීම ජනප්‍රිය වී තිබෙනවා.
මුද්ද තෝරා ගන්න කොට මෙන්න මේ දේවල් ගැන ටිකක් වැඩිපුර හිතන්න
- Gold, white gold හෝ platinum වලින්මොකක්ද තෝරගන්නේ?
- Diamond හෝ වෙනත් ගල් වර්ග යොදා ගන්නවද
- Design එක
- Budget එක
5. ඇඳුම් තේරීම
ගිවිස ගැනීමේ උත්සවයට ගැලපෙන ඇඳුම් තෝරාගැනීමත් ඉතා වැදගත්.
මනාලියන් සාමාන්‍යයෙන්
- Saree
- Gown
- Indo-western dress
වැනි ඇඳුම් තෝරාගන්නවා.
මනාලයා:
- Suit
- Blazer
- Traditional attire
වැනි ඇඳුම් භාවිතා කරනවා.
ඇඳුම් දෙදෙනාගේ style එකට සහ උත්සවයේ theme එකට ගැලපෙන ලෙස තෝරාගන්න එක තමා වැඩිපුර හොඳ.
6. ඡායාරූප සහ වීඩියෝකරණය
Engagement එක ජීවිතයේ නැවත නොලැබෙන මතකයක් නිසා, professional photographer කෙනෙකු සහ videographer කෙනෙකු තෝරා ගැනීම වැදගත්.
Pre-engagement photoshoot, cinematic videos සහ candid photography අද බොහෝ ජනප්‍රියයි.
හොඳින් capture කරන ලද ඡායාරූප සහ වීඩියෝ, අනාගතයේ සුන්දර මතකයක් බවට පත්වෙනවා.
7. අමුත්තන්ගේ ලැයිස්තුව සහ ආරාධනා
ආරාධනා කරන්නේ කාටද කියන එක කලින්ම සැලසුම් කළ යුතුයි.
Engagement එක සාමාන්‍යයෙන් wedding එකට වඩා සීමිත පිරිසක් සමඟ පැවැත්වෙන අවස්ථාවක්.
Invitation cards හෝ digital invitations භාවිතා කරලා අමුත්තන්ට ආරාධනා කළ හැකියි. Theme එකට ගැලපෙන invitation design එකක් තෝරා ගැනීම උත්සවයේ අලංකාරය වැඩි කරනවා
8. සැරසිලි සහ Theme එක
Engagement decoration එක උත්සවයේ ලස්සන වැඩි කරන ප්‍රධාන අංගයක්.
Floral decorations, fairy lights, balloons සහ elegant table setups අද බොහෝ දෙනා භාවිතා කරනවා.
බොහෝ වෙලාවටTheme colours විදියට මෙන්න මේවා යොදාගන්නවා.
- White & Gold
- Pink & Blue
- Pastel colours
9. ආහාර සහ කේක්
අමුත්තන්ට සංග්‍රහ කිරීමට snacks, buffet meals හෝ high tea arrangements භාවිතා කළ හැකියි.
Engagement cake එකක්ද මෙම අවස්ථාවට විශේෂත්වයක් එක් කරනවා.
Cake design එක couple theme එකට ගැලපෙන ලෙස customize කරගන්න පුළුවන්.
විවාහ ගිවිස ගැනීම කියන්නේ මුදු හුවමාරුවක් පමණක් නොවෙයි. එය දෙදෙනෙකුගේ ආදරය, විශ්වාසය සහ අනාගත ජීවිතයට දෙන සදාතනික පොරොන්දුවක්.
හොඳ සැලසුමක්, පවුල්වල ආශිර්වාදය සහ සතුටින් පිරුණු මතකයන් සමඟ ගිවිස ගැනීමේ උත්සවය පවත්වා ගතහොත්, එය ජීවිතයේ අමතක නොවන සුන්දර මොහොතක් බවට පත්වෙනවා ස්ථිරයි.
